Problemang pagibig

E hindi ba lahat naman tayo may problema? Sino bang magsasabing "wala akong problema" e ipakilala nyo ... dadagukan ko sabay bunot sa mahabang buhok sa ilong na nakalimutang gupitin! tapos, bibigyan ko ng classic bugbog with matching ponpyang in the end na ala FPJ para magising sa katotohanan. E kasi naman, itaga nyo sa bato, ipapuputol ko ang kuko ko kapag nagkaroon ng perperktong buhay sa mundo. Yun nga lang iba iba yung antas ng mga problema natin at iba iba din yung paraan natin kung pano harapin yung problema...

Isang magandang halimbawa, problema sa pag-ibig. Ehem, maraming magtataas ng ahit na kilay na akala mo kumpleto't masaya sila na para bang walang problema sa puso. Mga unggoy! Yun ang akala nyo... 'ika nga sa love guru: "if you think you're happy, think again!"

May kaibigan akong tumawag kagabi, anakampotah umiiyak... humagulgol... nakakairita na nakakatawa... Halos maluha ako sa katatawa pagkatapos ko ibaba yung telepono kasi siga-siga dito bandang amin yun. Ewan ko ba, sabi ko na lang sa sarili ko magulo talaga ang pagibig.. sa sobrang gulo nito e kahit pa baliktarin mo yung sasabihin mo tatama ka pa rin...katulad na lang kung akala mong hindi mo na kaya, magugulat ka na lang at kaya mo pa pala, at kung minsan naman akala mo kaya mo pa yun pala hindi na at bigla ka na lang susuko. Mahirap ipaliwanag pero maraming eksplenasyon. exciting na boring, masarap na masakit. Mahirap na madali. Mabilis na mabagal din . Magulo ba? hindi no maayos ko ngang sinasabi sa inyo e...

Maraming nagagawa ang pag-ibig na tila ba nakakatawa talaga. Yung matatalino nagiging bobo. at yung walang alam, nagiging henyo.Yung mga babaero natotorpe at yung mga torpe naman e nagiging chickboy. Yung mga may asawa, nagiging binata't dalaga, Yung mga maton, umiiyak na parang bakla. yung mga jokla naman e... ewan ko na rin e... Yung maraming pera, namumulube at yung walang pera naman e yumayaman. Yung matataba e pumapayat, at yung mga payat naman e nabobondat. Yung mga siga nga sa kanto na mas matapang pa sa asong nireregla e nagiging mas maamo pa sa kinapong tupa. At kung yung iba e nagpapakamatay, yung iba naman e nagkakaron pa ng dahilan para mabuhay, tsk tsk... pag-ibig kasi ang may kagagawan lahat nyan...

Balik tayo sa problema... Bwakanang yan din kasi talaga... may pa-advice advice ka pang nalalaman d'yan at akala mo ikaw si joe d'mango kung magsabi kung anong gagawin pero kapag ikaw na ang involved, nawawalan ng kwenta lahat ng pinagsasasabi mo. Nagmumuka kang bata, Ang dami mong alam pero wala pala. D'yan ko napatunayan na totoong parang larong chess lang yan at kung ikaw ang naglalaro at akala mo ang galing galing mo na e yun pala maraming galaw na hindi mo nakikita, akala mo mate ka na... at yung mga nanonood lang sa inyo yung may alam para maka-stale mate ka pa. Kaya minsan kailangan talaga mo ng advice mula sa ibang tao kasi marami silang nakikitang hindi mo alam.

Hay buhay nga naman... lalo na sa pagibig, madalas akala mo eksperto ka na yun pala immature ka pa.